Comunicat de l’Ostau dau País Marselhés sus la manif dau 24

Avèm causit de publicar aqui un comunicat venent del CA de l’Ostau dau País Marselhés, associacion de Marselha doncas, tocant a l’organizacion de la manifestacion del 24 d’octobre.

COMMUNICAT SUS LA MANIFESTACION OCCITANA
DAU 24 D’OCTOBRE A MONPELHIER

Lo 24 d’octobre venent a Montpelhier, doas associacions occitanas, l’IEO e la Federacion Calandreta, organison una manifestacion en favor de la lenga e de la cultura occitanas. Nautrei li saram pas e vos explicam perque.

Per incapacitat d’establir un projècte comun, se tròba que demòra uei sonquament doas associacion dins lo collectiu “Anem Òc”. Nòstre movement sachèt pas acampar mai larg, au contrari se recroquilhèt per èstre fin finala representat per quauquei personas. Tot lo lòng d’aqueu periòde, avem pas sachut coma si faire ausir, perque çò que disem encuei son au fons lei meteissei observacions qu’exprimem dempuei 2007.

D’en primier, regretam la manca d’analisi dei manifestacions passadas. Totjorn lo nombre de manifestants fuguèt onorable mai que dire dei resultats concrets ? Localament, permetiá d’estructurar lo movement occitanista, en particular a Tolosa. Mai d’un autre costat, a cada còp la mediatisacion de l’eveniment fuguèt quasi nula e amb un interés fòrça relatiu deis elegits. Per çò qu’es de la situacion generala, la preséncia de l’occitan dins l’ensenhament uei es mai precària encara que l’èra fa 10 ans. Segur que se pòu pas faire portar la responsabilitat d’aqueu constat negatiu ais organisators de la manifestacion, mai siam forçats de constatar qu’aquelei caminadas unitàrias an pas permés a l’occitan d’èstre mielhs considerat per la classa politica e que l’Estat francés, fins ara, a près ges de mesura per sauvaguardar son patrimòni linguistic.

Se l’ensenhament de l’occitan es en dificultat, sa situacion en Provença es desastrosa e es de mau comprendre de veire regularament Provença laissada de costat per leis instàncias occitanas quora sabem que la direccion nacionala de l’IEO per exemple es compausada per bòna part de personas originàrias d’aquela region e que son donc, forçadament, sensiblisadas a aquela problematica. Fa un bòn moment qu’ambé d’autreis associacions demandam de nos acampar en defòra de Lengadòc, que sei frontièras tròp sovent son consideradas coma aquelei d’Occitània. Nos pausam totjorn la question: perque aqueu refús permanent e testut de desplaçar la manifestacion unitària au delà dau domèni d’influéncia lengadocian e aquò sensa explicacion reala, maugrat lei nombrosas demandas fachas per d’associacions que per d’unei fasián partida dau collectiu Anem Òc ?

La chausida de Montpelhier tanben nos pausa question: perque manifestar en favor de la lenga dins una dei ciutats mai provesidas en matèria d’estructuras occitanas ? Leis interès politics sarián mai fòrts que l’interès comun dins aquela decision ? La data anonciada tanben pòu alimentar la suspicion: la manifestacion se debanarà un mes e mieg avans leis eleccions regionalas, dins la quala son engatjadas de listas occitanistas. Calcar la manifestacion sus lo calendier politic, perque pas estant leis enjòcs de venir (fusion e eleccion de novèus Conselhs Regionaus, ratificacion – o non – de la charta dei lengas minoritàrias). Mai dins aqueu cas, fauguèt mai considerar la problematica de regions en danger, qu’es evocada sonque d’un biais transparent dins la crida per manifestar.

Malurosament, perque va regretam, la manca de fòga per aquela cinquena manifestacion sembla anar dins lo sens de nòstra argumentacion. L’Ostau dau País Marselhés desira pas la revirada d’aquel eveniment que degun ne’n profitariá. Pasmens podem pas participar a una accion que fòrças causas dins son fonccionament nos escapan completament. Siam conscients que lo temps es comptat adoncas siam virats vèrs l’avenir, prèsts a debatre dei futurs mejans d’accion que fau metre en plaça per sauvar l’occitan. La creacion dau Forum d’Òc, qu’a per tòca d’acampar divèrsas associacions e structuras occitanas en Provença, deuriá permetre una mai bòna representacion democratica de nòstreis idèias. Nos esforçaram per lei mes a venir, ambé lei mejans qu’avem, de participar a aquela dinamica comuna.

Lo C.A. de l’Ostau dau País Marselhés

Publicités

Acampem-se e anem-i!

Per anar dins lo sens de la crida de Marcha! pertocant a la manif, una refleccion nos es estada mandada per son autor, Matieu Castel, que l’aviá ja facha publicar sul Jornalet. L’i avança la nocion de « Conseu Representatiu dau Pòple d’Òc », notadament.

Lo recent rampèu per anar manifestar a Montpelhier lo 24 d’octòbre de 2015 per aparar la lenga occitana e leis escambis nombrós sus d’aqueu subjècte me faguèron pensar que mancava au movement occitan un organisme de representacion nacionau per poder prene en tota clartat aquela mena de decision qu’implica per sa natura l’ensems dei personas estacadas a nòstra lenga e nòstra cultura.

Ai ja dich, e siáu pas lo solet, quant me semblava una error estrategica dei bèlas de tornar mobilizar per lo quatren còp en dètz ans dins la mesma region administrativa occitana, aplicant de fach lei grands principis centralizators que dins sa grand majoritat, leis occitanistas denóncian. Çò que me sembla mai interessant, es de saupre qualei son lei personas darrier d’aqueu rampèu e sa representativitat vertadiera sus tot lo domeni d’òc. Es bensai aquí que s’atròba lo ponch de feblesa d’aqueu rampèu sortit d’enluòc qu’a un pauc de mau d’escondre que, fin finala, demanda en totei de venir aparar leis interés particulars d’una partida ja ben sostenguda per totei lei compausantas de l’occitanisme desempuei dètz annadas.

Aisit, çò me diretz, de venir renar a l’après e de pas voler seguir aqueu grand movement d’estrambòrd. Leis acusacions de “faparenisme” e lei procès en marrida fe tardèron pas de gisclar sus lo fiu dei comentaris d’aqueu mèdia occitan… E pasmens, se preni l’exemple, a l’azard, de Marselha, cu venguèt discutir amb leis actors locaus per imaginar l’infima possibilitat de se venir passejar aicí? Cu definís quau son leis actors locaus representatius de la paraula occitana e aquelei qu’o son pas? Me sembla que lei mejans de se contactar e d’escambiar son a l’ora d’ara de bòn manejar e gaire costós per poder far a la lèsta un còmpte dei fòrças vivas que porrián donar de son temps per que capite ben aquesta manifestacion. Es possible d’imaginar cinc passacarrieras en dètz ans dins un país sensa ne’n far un dins sa ciutat mai poblada? Se pòu imaginar plusors manifestacions per aparar Alsàcia, Bretanha ò Catalonha sensa passar un solet còp per Estrasborg, Roazhon ò Barcelona?

Problèma de competéncia, bensai? Bota, devi ben avoar sus d’aqueu subjècte que conoissi pas lei critèris retenguts per lo Comitat Escondut per poder jutjar de la competéncia deis unei ò deis autres. Bensai qu’aqueu critèri ten pus de l’idèa tota facha que de l’analisi vertadiera, mai coma, per ma part e per la part de plusors personas que conoissi, fogueriam pas contactats per poder èstre avalorats, m’imagini que lo Comitat Escondut a seis aurelhas que trabalhan en secret.

Agueriam puei l’argument imparable de la localizacion. D’efiech, Montpelhier essent gaireben au centre geografic d’Occitània, coma Besièrs ò Carcassona, es mai aisit per totei lei personas d’en pertot d’i venir. Last but not least, l’estofant còdi dau trabalh impausa de temps de pausa ai menaires de carris e de lònguei distàncias farián créisser la tarifa dau viatge d’un biais excessiu.

Que volètz respòndre a tot aqueu bòn sens? Que la distància deuriá pas èstre un problèma per una mobilizacion amb un enjuòc tau que deuriá soslevar l’estrambòrd de totei leis occitans e demenir lei distàncias? D’efiech, amb leis economias fachas per leis associacions occitanas que s’atròban en Lengadòc Rosselhon despuei qu’existisson aquestei manifestacions, lo Comitat Escondut auriá pogut prepausar la mesa en plaça d’una caissa de solidaritat per ajudar nòstrei fraires de Gasconha ò de Lemosin per venir en Provença ò, evidentament, lo contrari. E mai, que pecat d’imaginar qu’aqueu grand recampament que deu portar naut e fòrt lo clam de tot un pòple siga entrepachat per l’abséncia de militantisme e lo corporatisme dei menaires de carris!

Evidentament, faliá ben causir un luòc de recampament. S’atròba justament que plusors vòtz s’enaucèron d’aicí d’ailà per prepausar de diferenteis apròchis rapòrt a aquelei manifestacions. Aquestei proposicions se basèron primier sus lei resultats obtenguts despuei leis autrei passacarrieras. E aquestei resultats son bensai bòns en Lengadòc (encara que l’exemple besierenc sembla d’o denegar…), son completament inexistents en Provença ò, aparentament, en Lemosin e Auvèrnha. Se podèm d’alhors pausar la question d’un vertadier bilanç de far despuei lo començament d’aquestei movements. La question dei subvencions e de sa creissença eventuala dins cada region, departament ò comuna occitana, es estada pausada e debatuda? L’argent public distribuit d’aqueu biais a crescut d’un biais omogèn dins totei lei regions occitanas ò pas? L’emplec en occitan e per l’occitan, l’educacion, la sociabilitat de la lenga an progressat? Aquestei donadas s’ameritarián d’èstre recampadas e comunicadas en totei leis actors dau movement occitan avans que de rampelar un còp de mai a un recampament que siam incapables per la màger part d’entre nosautres de saupre se i aguèt ò non de resultats significatius ai precedents.

Es evident que de regions occitanas an pres lo tren e que d’autres foguèron laissadas de caire. Doas possibilitats: far avans sensa elei ò assajar de leis ajudar per poder montar sus lo tren. Es la primiera possibilitat que foguèt causida per lo Comitat Escondut. Tant vau de s’arrancar la camba puslèu que de totei demorar arrapats au cai, çò me diretz… Pecat pasmens qu’aguèsson pas lo coratge d’o dire a de bòn puslèu de que demandar ais associatius que se despatolhan dins aquestei regions perdudas de se mobilizar per poder far créisser son pes pròche seis institucions localas.

Per se poder esparnhar d’acusacions de monopolizacion de la paraula occitana, porriam imaginar la mesa en plaça d’un Conseu Representatiu dau Pòble d’Òc, basat sus toteis lei compausantas institucionalas, politicas, civilas, culturalas, mediaticas, esportivas, etc… de la societat occitana e pas unicament virat devèrs la lingüistica coma o es ja lo Congrès.

Aqueu Conseu que recampariá bensai 300 personas se porriá acampar un còp l’an, dins una vila d’Occitània causida per rotacion e prene ansin de grandei decisions d’orientacions generalas rapòrt a l’occitanisme. Aqueu Conseu seriá dubèrt en totei lei sensibilitats, escotariá leis avejaires deis unei e deis autres, e prendriá sei decisions sus la basa d’una votacion de totei lei personas que representan sei sòcis.

Aqueu Conseu seriá, de fach, lo mai representatiu possible. Cada sòci constitutiu, segond lo nombre de sei pròpis sòcis ò son budget (aquò es evidentament pas la causa mai aisida de definir…), li porgiriá 1 a 5 representants. Aqueleis associacions porrián èstre causidas sus la basa d’una candidatura volontària, sus l’obligacion de pagar un escotisson de quauquei centenats d’euròs cada an per sèti de representacion per ajudar lo Consèu a foncionar sensa subvencions dirèctas e sus la signatura d’una carta de principis generaus per quant ai finalitats d’aqueu Conseu (definicion de çò qu’es la “nacionalitat” occitana, reconoissença de la lenga occitana e respècte de son unitat, modalitats de representativitat de cada sòci, etc…). Sei reünions e sei deliberacions serián publicas e seriá mandatat per sei compausantas per parlar d’una vòtz unenca dins nòstrei rapòrts generaus amb lei tres grandeis autoritats estatalas qu’a l’ora d’ara son mestressas dau territòri occitan. Cada sòci seriá puei de segur liure de servar son foncionament pròpi dins sei relacions mai estrechas amb sei partenaris institucionaus.

Aqueu Conseu, enfin, porriá votar un burèu compausat d’un president e d’encargats au desvolopament de domenis diversificats (cultura, educacion, espòrt, associacions, economia, mèdias, politica, etc.) per coordenar tant coma se pòu leis accions de sei diversèi compausantas e, mai que mai, poder far profechar cadun deis avançadas deis autres. Sa tòca principala seriá, de segur, d’endralhar e de seguir lei mejans d’intervencion globaus per far ausir la vòtz occitana dins sa totalitat.

E per donar lo primier greu a aqueu Conseu, perqué pas imaginar nòstrei doas institucions mai prestigiosas e panoccitanas, lo Felibrige e l’IEO, qu’establirián sa Carta de Valors, metrián en plaça un recensament deis associacions localas qu’òbran de pertot per aparar nòstre territòri e convidarián a un primier grand recampament d’aqueu Conseu d’aicí a un pareu d’annadas? Serián puei descargats de la tasca pesuga de representar, maugrat d’elei de còps, l’ensems dei sensibilitats occitanas e serà l’escasença, aqueu jorn de primier recampament, de metre en plaça un grand passacarriera a l’encòp revendicatiu e festiu per festejar l’arribada d’una fòrça representativa vertadiera dau pòble d’òc.

Tot aquò es evidentament ren que de proposicions mandadas a la lèsta. Me sembla pasmens qu’avem patit pron lei limits d’una manca de representativitat nacionala occitana vertadiera, e que pensar un novèu modèl s’amerita d’èstre chifrat. Avèm a disposicion de mejans d’escambis e de comunicacion coma jamai n’aviam aguts dins lo passat. La question de tornar pensar lo nòstre biais de foncionar me sembla pron legitima. Donar, de fach, la paraula en totei d’un biais que cada decision d’importància coma un rampèu per manifestar toteis ensems dins un ròdol definit siga lo mens contestabla possible.

Anem!

Crida de Marcha! – Platafòrma de la Societat Civila Occitana [OC]

Una manca gròssa de transparéncia

Mentre que totei si questionavam sus l’avenir de la mobilizacion dau movement occitan en favor de la lenga, fugueriam fòrça susprès au mes de fevrièr passat de recebre una crida per manifestar lo 24 d’octobre venent a Montpelhier, sensa jamai aguer sachut que se ne’n discutiá. Coma fuguèt presa aquela decision ? Per cu ? Quora ? Dins aquel afar la manca de transparéncia es totala.

Va sabem que per desacòrdi, la FELCO e lo Felibrige, an decidit de laissar la coordinacion “Anem Òc” e doncas de prononçar sa dissolucion. Aquò empachèt pas lo nòu collectiu de reprendre l’eslogan “Anem Òc” dins lo concors d’afichas qu’organisèt. Coma aquò enfortís lo fosc dins lo quau si trobam, amai bastís sa comunicacion sus una messòrga. Per ara, solament doas estructuras son organisatoras de la manifestacion de Montpelhier, la federacion Calandreta e l’I.E.O. Nacionau. Se sembla qu’aqueu darrier prenguèt pas la pena de consultar sei sòcis per que s’expriman sus la question, nimai ne consultèt sei seccions regionalas e localas, e bèu promièr la seccion Lengadòc qu’es la mai pertocada. Aquò es sa causida e son drech, mai siam forçats de constatar que la data, lo lòc e la natura de la manifestacion fugèron pensadas e actadas dins leis autas esfèras de l’occitanisme, qu’ara son sovent ben soletas e aluenchadas de la realitat dau terren.

Lengadòc, encara e totjorn

Tre 2007, annada de la dosena manifestacion occitana a Besièrs, çai e lai si demandava ais organisators una acampada en defòra dau país lengadocian. Aquela crida fuguèt lançada dempuei Gasconha, Provença, Lemosin, mai tanben fuguèt sostenguda per d’estructuras basadas en Lengadòc. Totjorn nos respondèron que, per de rasons praticas, èra pas possibla d’envisajar una manifestacion unitària au delà de l’axe Tolosa-Montpelhier. De qu’es nòstra credibilitat, en tant qu’occitans, se siam pas capables de nos acampar en defòra de la region centrala d’Occitània ? Coma se pòu combatre lo sistèma centralista francés mentre que totjorn lo reprodusim a nòstra escala ?

Nombrós son lei territòris occitans abandonats, devastats per la manca de reconeissènça institucionala e la pauretat de l’ofèrta d’ensenhament de l’occitan, mai leis organisators de la manifestacion son testards e maugrat un molon de demandas, concentran son accion dins Lengadòc solament. Perque causir Montpelhier, una vila onte l’occitan si pòrta fòrça ben per çò qu’es de sa representacion sociala ? D’autrei regions coma Lemosin, Provença, an mestier d’aquela reconeissènça a l’entorn de l’occitan. De comunas coma Marselha, Lemòtges emai Bordèu an un malhum d’estructuras en capacitat de cò-assumir la tenguda d’un acampada comuna e coma aquò profiechar dei retombadas mediaticas e politicas. De çò que ne’n sabem, jamai fuguèt envisatjada aquela opcion. Malurosament, en fonccionant d’aqueu biais, fasèm la part bèla ai detractors de l’occitan que per elei nòstre movement se resuma a una egemonia lengadociana. Tanben enfortissam la desconneissènça generala que vòu qu’Occitània es Lengadòc e basta.

Ni revendicacion concrèta, ni bilanç

Lo paperòt oficiau de la “coordinacion per la lenga occitana” qu’apèla a manifestar amolona leis estatisticas negativas sus l’occitan (que d’unei se pòdon discutar), sensa jamai exprimir de demandas concrètas. La situacion de l’occitan es catastrofica, totei siam d’acòrdi amb’aquò, mai aqueu constat simplàs basta pas, lo fach de l’enonciar clarament jamai permetrà d’enraiar la maquina. Per far un constat credible, per ne’n far un argument de pes, avem pas la causida : nos fau èstre capables de fargar de proposicions concrètas per inversar la tendéncia. Si nautrei, militants, sabem pas per qué nos batem e manifestam, coma lo podrián saupre leis esfèras politicas dei decidaires, qu’elei son pas tant engatjadas per l’occitan ò que de còp que l’a, se’n fotan completament ? Lei questions de fons pausadas per la situacion de l’occitan uei dèvon menar a de respònsas ben bastidas, aquò avans la tenguda de la manifestacion. Perque siam apelats a manifestar lo 24 d’octobre ? Que demandam ai poders publics ? Que son nòstreis exigéncias ? Per quala temporada ?

Tanben si fau constatar la manca d’estrategia a tèrmi lòng. Après Carcassona en 2005, aquò farà donc 5 còps en 10 ans que s’acampan totei lei tendéncias de l’occitanisme per exigir mai de reconeissènça de la part dei poders publics. Que fuguèron lei consequéncias dei manifestacions passadas ? Qualas avançadas fugèron obtengudas ? Se l’actuala coordinacion es pas capable de respòndre positivament a n’aquelei questions, coma pòu argumentar en favor d’una novèla manifestacion, dins aqueu contèxte de desalenament e de remesa en causa generalisada, coma ditz dins lo comunicat ? Siam onèstes : lei manifestacions occitanas cambièron rèn ò quasi. Lei mèdias nacionaus nos ignoran e lei quauquei responsables governamentaus que denhèron prendre posicion nos an gavat de paraulas non tengudas. Sieguem segur que per leis eleccions regionalas venentas, se trobarà de responsables politics divèrs en campanha dins de movements ciutadans, venguts sonhar son imatge sensa jamai rèn far per l’occitan pendent son futur mandat. Probable qu’ara fau envisatjar d’autrei biais de manifestar, en laissant de costat lei consideracions politicianas, lei desiderata egoïstas e autrei tira-cubertas. Es ora d’abandonar la corsa descabestrada ai subvencions, que totei siam en concuréncia leis uns e leis autrei mentre qu’obram per lei meteis objectius. Retrobam aquelei objectius comuns.

Una necessitat de democratisar lo movement

Es pas de gaietat de còr que publicam uei nòstre desacòrdi sus lo biais d’organisar lo movement occitan dich « oficiau ». Per èstre aunèste, aquela crida que lançam fuguèt tanben motivada per lo fach que cada còp que portavam criticas sus l’iniciativa d’ “Anem Òc”, fuguèram considerats coma d’empechaires de virar en redon, de gènts incapables d’organisar qué que siegue per l’occitan. Aisada es la critica, bensai, mai tanben es un dei fondaments d’una democracia e en refusant de s’i sometre, la coordinacion actuala solinha lei disfonccionaments que pauc a cha pauc la rosigan. Pièger, cava sa pròpria tomba emai alarga lo fossat que la separa d’una granda partida de la jova generacion d’occitanistas. En refusant d’ausir leis arguments mai d’un còp enonciats que reprenem aqui un còp mai, pièger, en leis escobant sensa jamai assajar de portar de respònsas e en infantilisant tot movement contestatari, aquela coordinacion se decredibilisa, se delegitimisa e condamna, per avança, lo succès potenciau de sa pròpria manifestacion !

Avem pas la pretencion de representar mai que d’autrei lo movement occitan ò ben leis occitanistas, mai nòstra vòtz còmpta tanben e dèu èstre ausida. Siam pas, coma d’unei va dison, de divisaires. Volem un movement occitan que fai avans, per una representativitat mai justa que naturalament menarà a una presa de posicion comuna mai fòrta e mai clara. Per aquò far, es essenciau de remetre en question lei praticas de consultacion e de decision dei subjèctes que pertòcan l’ensèmble dei militants engatjats per lo desvolopament de la cultura nòstra. Ja un promièr pas fuguèt fach en Provença ambé la creacion dau Forum d’òc, que pausa lei basas d’una granda acampada deis associacions occitanas e que permet d’engatjar una reflexion comuna. Fau enfortir e generalisar aquel otís perque toteis avem la meteissa tòca.

Devèrs la presa en còmpte d’una societat civila occitana

Aqueu charivari a l’entorn de la manifestacion de Montpelhier dèu permetre una reflexion mai importanta. Nos agradariá que lei decidaires actuaus laissèsson de costat aqueu ròtle, que son nombre se redusís a cada eveniment e que uei siam dins una situacion incredibla que fai que doas direccions d’associacions, e solament doas, incitan tota una populacion a aparar sei pròpris interèsts. Refusam d’èstre utilisats ò instrumentalisats per una minoritat d’organismes qu’assajan de sauvar çò que pòu èstre sauvat per d’eleccions regionalas que van, per causa de refòrma, tornar despartir lei cartas e modificar lo paisatge associatiu, que siegue occitan ò non. Tot aquò marcarà per longtemps cada ciutadan que rèsta sus lo territòri. Tanben desiram que la question dau retalhatge regionau siegue pausada sus la taula sensa esitar, que basta d’èstre d’estrucis alienadas e somesas au gavatge dei subvencions publicas sensa si rendre còmpte que lèu la fònt sarà agotada.

Empacharam pas aquela manifestacion, auriá ges de sens. En i participant sariam, nos sembla, instrumentalisats per d’objectius mai que foscs. En anent pas manifestar, saram oficialament considerats coma d’anti-occitans primaris (aquela empega !) que critican de lònga e que prepausan guaire. Anètz manifestar ! Bensai que nautrei tanben manifestaram… Alhors, d’un autre biais. A Bordèu, Marselha, Lemòtges, Pau, Clarmont, emai París, perque pas, pertot onte l’a mestier, onte l’a un interest vertadier, un interest generau. Vos en faguètz pas. Aquí son solament de pensaments que desvoloparam ambé d’autrei, ambé totei, au còr d’una platafòrma vertadierament democratica qu’es pas dependenta d’associacions vielhassas tancadas dins sei certituds e sei marridas costumas. Volem una platafòrma representativa de la societat civila occitana, qu’au dintre cada vòtz còmpta e pòu èstre ausida, emai lei vòtz d’aquelei que uei se reconeisson pas mai dins lei partits politics nimai dins leis associacions tradicionalas.

Cambian lei causas, e amb’elei cambiarem.

Crida de Marcha! – Platafòrma de la Societat Civila Occitana [FR]

Un manque crucial de transparence

Alors que l’on se demandait de quelle façon se traduirait à l’avenir la mobilisation du mouvement occitan en faveur de sa langue, nous avons comme beaucoup été surpris de recevoir au mois de février dernier un appel à manifester le 24 octobre à Montpellier, cela sans jamais avoir su que des discussions étaient en cours. Comment a été prise cette décision ? Par qui ? Quand ? Le manque de transparence dans cette affaire-là est total.

Nous savons qu’à la suite de désaccords, la FELCO, le Félibrige, ont décidé de quitter la coordination “Anem Òc”, actant de ce fait sa dissolution. Cela n’empêche pas l’actuel collectif de reprendre le slogan “Anem Òc” via le concours d’affiches qu’il organise, renforçant ainsi le trouble de la situation dans laquelle nous nous trouvons, en plus de surfer sur en mensonge communicationnel. Car à ce jour, deux structures seulement sont organisatrices de la manifestation de Montpellier, la fédération Calandreta e l’I.E.O National. Ce dernier n’a semble-t-il pas pris la peine de consulter ses adhérents pour qu’ils s’expriment sur le sujet, pas plus d’ailleurs que ses sections régionales et locales, à commencer par celle qui aurait dû être la première sollicitée, celle du Languedoc. C’est son choix et son droit, mais force est de constater que la date, le lieu, et la nature de la manifestation ont été pensées et actées dans les hautes sphères de l’occitanisme, des hautes sphères aujourd’hui bien seules et coupées de certaines réalités de terrain.

Le Languedoc, encore et toujours

Dès 2007, année de la deuxième manifestation occitane à Béziers, des voix se sont faites entendre pour demander aux organisateurs un rassemblement en dehors des frontières de Languedoc. Un appel lancé depuis la Gascogne, la Provence, le Limousin, mais aussi soutenu par des structures basées en Languedoc. Il nous a toujours été répondu que, pour des questions pratiques, il était impossible d’envisager une manifestation unitaire au-delà de l’axe Toulouse-Montpellier. Quelle crédibilité avons-nous, en tant qu’occitans, si nous ne sommes pas capables de nous réunir en dehors de la région centrale d’Occitanie ? Comment pouvons-nous prétendre combattre le système centraliste français alors que nous n’hésitons jamais à le reproduire à notre échelle ?

De nombreux territoires occitans sont délaissés, dévastés par le manque de reconnaissance institutionnelle et par la pauvreté de l’offre en enseignement de l’occitan, mais les organisateurs de la manifestation s’entêtent, malgré les demandes répétées de toute part, à concentrer leur action sur le seul territoire languedocien. Comment comprendre le choix de Montpellier, sans doute une des villes où l’occitan se porte le mieux en matière de représentation sociale ? D’autres régions comme le Limousin, la Provence, ont un besoin crucial de reconnaissance à tout point de vue concernant l’occitan. Des villes comme Marseille, Limoges ou même Bordeaux possèdent un réseau de structures capables de co-assumer la tenue d’un rassemblement commun et profiter ainsi des retombées médiatiques et politiques. Cette option n’a jamais été envisagée à notre connaissance. Triste est de constater qu’avec cette attitude, nous donnons du grain à moudre aux détracteurs réactionnaires de l’occitan qui résument notre mouvement à une hégémonie languedocienne. Et nous alimentons également la méconnaissance générale, qui veut que l’Occitanie se résume à la seule région languedocienne.

Ni revendication concrète, ni bilan

Le tract officiel de la “coordination pour la langue occitane” qui appelle à manifester empile les statistiques négatives sur l’occitan (certaines étant discutables), sans jamais formuler de demande concrète. La situation de l’occitan est catastrophique, nous sommes tous d’accord sur ce point, mais ce simple constat ne suffit pas, et le simple fait de l’énoncer, même le plus clairement du monde, ne saurait suffire à l’enrayer. Il ne prendra effectivement tout son sens, ne deviendra un argument de poids que lorsque nous serons en mesure d’avancer des propositions concrètes à même de le contrer. Si nous-mêmes, militants, ne savons pas pour quoi nous nous battons et manifestons, comment les sphères politiques des décideurs, bien moins engagées quand elles ne s’en contrefichent pas totalement, le sauraient-elles ? Certaines questions de fond doivent trouver de solides réponses avant la tenue de la manifestation : Pour quoi sommes-nous appelés à manifester le 24 octobre ? Que demandons nous aux pouvoirs publics ? Quelles sont nos exigences ? À quelle(s) échéance(s) ?

De plus, le manque de stratégie à long terme est criant. Après Carcassonne en 2005, cela fera donc 5 fois en 10 ans que l’occitanisme, toutes tendances confondues, se rassemble pour exiger plus de reconnaissance de la part des pouvoirs publics. Quelles ont été les conséquences des manifestations passées ? Quelles avancées avons-nous obtenu ? Si l’actuelle coordination n’est pas capable de répondre positivement à ces questions, comment-peut elle argumenter en faveur d’une nouvelle manifestation, dans un contexte d’essoufflement et de remise en cause généralisé, comme en atteste le présent communiqué ? Il apparaît aujourd’hui comme criant que rien ou presque n’a en réalité changé. Les médias nationaux nous ignorent et les rares responsables gouvernementaux qui daignent prendre position nous gavent de promesses non tenues. Soyons assurés que la tenue prochaine d’élections régionales sera une nouvelle fois l’occasion de voir tout mouvement citoyen infiltré de responsables politiques divers et en campagne venus lustrer leur image sans que rien ne soit obtenu en retour de toute leur mandature. Sans doute serait-il temps, enfin, d’envisager d’autres formes de manifestations, en mettant de côté les considérations politiciennes, les desiderata égoïstes et autres tirages de couverture à soi, d’abandonner une course effrénée aux subventions qui nous met tous en concurrence les uns avec les autres alors même que nous sommes censés oeuvrer pour les même objectifs. Revenons enfin à ces objectifs communs.

Une nécessité de démocratiser le mouvement

Ça n’est pas de gaieté de coeur que nous affichons aujourd’hui publiquement notre désaccord sur la façon dont est organisé le mouvement occitan dit “officiel”. Cet appel que nous lançons a en partie été motivé, il faut le dire, par l’insupportable manie de certains défenseurs de la manifestation du 24 octobre de persister à considérer tout ceux qui critiquent cette initiative comme des empêcheurs de tourner en rond, incapables d’organiser quoi que ce soit pour l’occitan. La critique est facile, peut-être, mais elle est un des fondements de la démocratie et en refusant de s’y soumettre, la coordination actuelle souligne les dysfonctionnements qui la rongent. Pire, elle creuse elle-même, en plus de sa propre tombe, un fossé grandissant qui la sépare d’une bonne partie de la jeune génération d’occitanistes. En refusant d’entendre des arguments énoncés maintes fois, que nous reprenons donc ici une fois de plus, pire, en les renvoyant dans les cordes sans jamais y apporter une tentative de réponse, en infantilisant, ce faisant, tout mouvement contestataire, elle se décrédibilise, se délégitimise et condamne, par avance, tout succès potentiel à sa propre manifestation !

Nous n’avons pas la prétention de représenter plus que les autres le mouvement occitan ou l’ensemble des occitanistes, mais notre voix compte et doit être entendue. Loin de l’étiquette de diviseurs que l’on voudrait nous accoler, nous souhaitons faire avancer le mouvement occitan vers une représentativité plus juste, qui amènera naturellement une prise de position commune plus forte et plus claire. Pour cela, il semble primordial d’entamer une remise en question des pratiques de consultation et de décision des sujets qui concernent l’ensemble des militants engagés pour le développement de notre culture. Un premier pas a déjà été fait en Provence avec la création du Forum d’òc qui pose les bases d’un grand rassemblement des associations occitanes et qui ouvre la voie à la réflexion. Renforçons et généralisons cet outil commun, car notre but à tous est bien le même.

Vers la prise en compte d’une société civile occitane

Nous souhaitons que cette cacophonie autour de la manifestation de Montpellier permette d’ouvrir une réflexion plus vaste. Nous souhaitons que les décideurs actuels cessent d’endosser ce rôle, ceux-là dont le nombre se réduit d’événement en événement, en arrivant aujourd’hui à cette situation ubuesque où deux simples directions de deux associations, et seulement deux, en arrivent à inciter toute une population à défendre leurs propres intérêts. Nous refusons d’être utilisés ou instrumentalisés par une minorité d’organismes tentant de sauver quelques meubles à l’approche d’élections régionales qui vont, réforme oblige, redistribuer les cartes et remodeler le paysage associatif, qu’il soit occitan ou non, impactant durablement tout citoyen vivant sur le territoire. Nous souhaitons aussi que cette question du redécoupage régional soit posée, avec aplomb, sur la table, que nous cessions de jouer les autruches aliénées, soumises à un régime de gavage par subvention publique s’apercevant, mais un peu tard, que la manne céleste sera bientôt tarie.

Nous n’empêcherons pas cette manifestation, cela n’aurait aucun sens. Et comme y participer serait visiblement être instrumentalisé pour des objectifs plus que flous mais que dans le même temps on nous fait bien sentir que ne pas y participer nous classe officiellement dans le registre des anti-occitans primaires (un comble !) à la gâchette critique rapide et à la détente de proposition bien plus longue, manifestez donc ! Peut-être manifesterons-nous nous aussi… Ailleurs, différemment. A Bordeaux, Marseille, Limoges, Pau, Clermont, ou bien Paris, pourquoi pas, là où il y en a réellement besoin, là où cela a un sens, là où cela a un quelconque intérêt, et un intérêt général. Oh, ne vous en faites pas, ce ne sont là que des pistes de réflexion, que nous entendons bien développer, avec d’autres, avec tous, au sein d’une plateforme réellement démocratique, non plus détenue par des associations hors d’âge figées dans leurs certitudes et leurs mauvaises habitudes. Non, une plateforme représentative de la société civile occitane, où chaque voix compte et peut être entendue, y compris et surtout celles de ceux ne se reconnaissant plus aujourd’hui ni dans les partis politiques ni dans les associations traditionnelles.

Les choses changent, nous changerons avec elles.